Ардчилсан намын Үндэсний бодлогын хорооны ээлжит бус хуралдаан хуралдаж 2024 оны УИХ-ын сонгуульд оролцох нэр дэвшигчдээ тодрууллаа. 

Ардчилсан намын төлөөллийн төв байгууллага Үндэсний бодлогын хорооны шийдвэрээр УИХ-ын ээлжит сонгуульд  Монгол Улсын хэмжээнд 13 тойрогт өрсөлдөх 78 нэр дэвшигч, намын жагсаалтын 48 нэр дэвшигчийг тодруулж, Үндэсний бодлогын хороогоор баталлаа.

Гэрэл зургийн эх сурвалж: Үндэсний эвсэл

"Үндэсний Эвсэл” нийт 76 нэр дэвшигчийг дэвшүүлнэ. Үүнээс жагсаалтаар 30, тойрогт 46 хүн нэр дэвшүүлэхээр тогтлоо. Нийт 76 нэр дэвшигчийн 35 нь эмэгтэйчүүд байна.

Үндэсний эвслийн дарга Н.Номтойбаяр "Манай эвсэл бүх улс төрийн нам, эсвэлтэй нээлттэй хамтран ажиллах бодлоготой учраас дутуу орхисон тойргууд дээр сонгогчдын дэмжиж ажиллаж байгаа нэр дэвшигчидтэй хамтран ажиллах зарчим барина" гэлээ.

Жагсаалтыг “Үндэсний Эвсэл”-ийн тэргүүн Н.Номтойбаяр ахалж, УИХ-ын гишүүн асан А.Ундраа эмэгтэйчүүдийн төлөөлөл болон удаалж, гуравт, Монголын Либерал ардчилсан намын дарга асан Д.Пүрэвдаваа жагсчээ.

Гэрэл зургийг MPA агентлагийн албан ёсны эрхтэйгээр ашиглав

МАН-ын Удирдах зөвлөлийн хуралдаан Тусгаар тогтнолын ордонд үргэлжилж байна. Удирдах зөвлөлийн хуралдаанд МАН-ын дарга Л.Оюун-Эрдэнэ УИХ-ын 2024 оны сонгуулийн нэр дэвшигчдээ танилцуулж буй юм.

Үүний араас МАН-ын Бага хурал үргэлжлэн хуралдах товтой ч УЗ-ийн хуралдаан дуусаагүй байна.

Гэрэл зургийг MPA агентлагийн албан ёсны эрхтэйгээр ашиглав

АН-ын Улс төрийн зөвлөлийн хуралдаанаар 2024 оны УИХ-ын сонгуульд өрсөлдөх нэр дэвшигчдийг тодрууллаа. Үүний араас, саяхан тус намын Үндэсний бодлогын хорооны хуралдаан эхэллээ.

ҮБХ-ны шийдвэрээр Ардчилсан намаас 2024 оны УИХ-ын сонгуульд өрсөлдөх нэр дэвшигчдийг эцэслэн батална.

ХҮН Намын дарга, УИХ-ын гишүүн Т.Доржханд нэр дэвшихтэй холбоотой байр сууриа илэрхийлэв.

Нэр дэвшигчдийн 46 хувь нь эмэгтэй, 54 хувь нь эрэгтэй. ХҮН нам “ХҮН 50/50” хөтөлбөр зарласны дагуу хамгийн их боломжийг эмэгтэй нэр дэвшигчид, залуучууддаа олгож байна.

Нэр дэвшигчдийн 23 хувийг багш нар, мөн 23 хувийг инженер, мэдээллийн технологийн салбарынхан, 18 хувийг ЖДҮ, бизнес эрхлэгчид, 15 хувийг санхүү, эдийн засгийн салбарынхан, 13 хувийг хууль эрх зүй, гадаад харилцааны мэргэжилтнүүд, 8 хувийг эмч, эмнэлгийн байгууллагын ажилтнууд эзэлж байна.

Т.Доржханд,
ХҮН намын дарга, УИХ-ын гишүүн

ХҮН Намын Төлөөлөн удирдах зөвлөлийн хурал үргэлжилж байна. Тус хуралдааны эхний хэсэгт тойрогт нэр дэвшигчдээ тодруулжээ.

ОРОН НУТАГТ НЭР ДЭВШИГЧИД:

2

НИЙСЛЭЛД НЭР ДЭВШИГЧИД:

3

УИХ-ын 2024 оны сонгуульд өрсөлдөх нам, эвслүүд

Сонгуульд оролцохоор бүртгүүлсэн нам, эвслүүдийн нэр дэвшүүлэх ажиллагаа өнөөдөр дуусна. 

Энэ дагуу өнөөдөр УИХ-ын сонгуульд өрсөлдөх нам, эвслүүдийн холбогдох хурлууд болж, нэр дэвшигчдээ тодруулна.

Нам, эвслүүд 78 хүртэлх хүнийг сонгуулийн тойрогт, 48 хүртэлх хүнийг жагсаалтаар нэр дэвшүүлнэ.