{"time":1748420381360,"blocks":[{"id":"eQmfL9ZWZI","type":"paragraph","data":{"text":"“Зуурдхан юм шиг\nзургаан жилийг","alignment":""}},{"id":"EAEhFgf50E","type":"paragraph","data":{"text":"Зүрхэнд үлдсэн\nчиний дүрийг ","alignment":""}},{"id":"b7GlBFrGC5","type":"paragraph","data":{"text":"Яаж би мартаж чадах\nбилээ...” гэж шүлэглэн дуулсан У.Энэрэлмаа студид ганцаар хүлээн\nсууж байв. “The Royal\nHeartaches” хамтлаг бидний гуниг, ганцаардал, хүлээлт, эргэлзээ,\nшархалсан зүрх бүгдийг аргадан мэндэлж хоёр жилийг ардаа үдээд\nбайна. Удахгүй зургадугаар сарын 6-нд хоёр дахь бие даасан тоглолтоор\nсонсогчидтойгоо уулзах гэж буй. ","alignment":""}},{"id":"Ic8nOdaZDI","type":"paragraph","data":{"text":"Тоглолтыг угтаж, хамтлагийн гоцлол\nдуучин У.Энэрэлмаагийн уран бүтээлч хувь ертөнцийн үүд хаалгыг татах гэж ирсэн\nмаань энэ. Энэ ертөнцөөс урган гарч эгшиглэдэг дуу хоолой, шүлэг, аялгуу\nбүгдийн дахин давтагдашгүй өнгө төрх өнөөдөр хэдийнэ анхаарал татчихсан.\nУ.Энэрэлмаа гэж хэн юм бэ? гэсэн асуултын хамт цуурайтаж байгаа. ","alignment":""}},{"id":"EAeq5DbQIt","type":"paragraph","data":{"text":"“The Royal Heartaches” хамтлагийн\nахлагч, аргил гитарчин бол Б.Оюунболд. Цаашлаад гитарчин Н.Гал, даралтат\nхөгжимчин Л.Даваанаран, бөмбөрчин М.Өнөрбаяр нарын арвин туршлагатай\nбүрэлдэхүүн У.Энэрэлмаатай нийлэн хоршоод манай хөгжмийн ертөнцөд томоохон байр\nсуурь эзэлсэн билээ. “The Library\nRecords”, продюсер Т.Мөнх-Оргилын санаачилсан төсөл энэ бүгдийн хувь тохиол\nболсноос хойш дөрвөн жил өнгөрчээ.","alignment":""}},{"id":"jY_ICIxF2m","type":"paragraph","data":{"text":"Хөгжмөөр дамжуулан бусдад хийгээд\nөөртөө итгэл найдвар бэлэглэж буй У.Энэрэлмаатай ингэж ярилцлаа.","alignment":""}},{"id":"vjsAY62XPG","type":"delimiter","data":{}},{"id":"LtVNWVfuyb","type":"paragraph","data":{"text":"-Чамайг хүүхэд\nбайхдаа дуучин болно гэж ер бодож байгаагүй хэмээн сонссон юм байна. Гэхдээ, одоо\nдуучин болж байна гэж боддог уу? ","alignment":""}},{"id":"-FpnF-2P8Z","type":"paragraph","data":{"text":"-Өөрийгөө дуучин гэж хэлэх дургүй дээ.\nХамтлагаа төлөөлөх үүднээс бол ингэж тодотгох учиртай. Дуучин гэхээсээ уран\nбүтээлч гэж хэлбэл арай зохих юм шиг. Гэхдээ бас тэр шалгуурт маань яв цас\nнийцэх уран бүтээл надаас хараахан төрөөгүй байгаа гэж боддог. ","alignment":""}},{"id":"mlie7xC7nK","type":"paragraph","data":{"text":"-Харин энэ уран\nбүтээлч мэдрэмж дотор чинь эртнээс байж, урлагийн ямар нэг төрлөөр илрэн гарч\nбайсан гэмээр? ","alignment":""}},{"id":"-x-oQu38fN","type":"paragraph","data":{"text":"-Би их чимээгүй, дуугүй хүүхэд байсан.\n“Намайг юм ярьсан ч тоох, сонсох хүн байхгүй” гэж боддог байсан. Гэхдээ дуулах\nдуртай, харин олны өмнө биш, ганцаараа. Цэцэрлэгтээ дуулж байсан зургуудаа\nолсон, тэгэхээр багаас л дуулахыг битүүхэн хүсэж байсан шиг. Одоо ч надад\nтайзан дээр гарахын өмнө түгшүүртэй санагддаг. Зүгээр дуулчихгүй, уйлна\n(Инээв). Үзэгчдийн зарим нь “Одоо дуулах яах вэ, уйл” гэдэг. Хүний уйлахыг\nхарахыг хүсдэг сонин фетиштэй хүмүүс ч байдаг юм байна лээ. ","alignment":""}},{"id":"GJMlaBVM2p","type":"paragraph","data":{"text":"Хүмүүс сонсохгүй болохоор хэлмээр\nбайгаа үгээ шүлэг болгож бичдэг байсан. Зарим шүлэг, одоогийнхоор бол дууны үг\nмаш хурдан гарчихдаг. Багтрах гэж байгаа юм шиг болж ирээд, “За, одоо гарах цаг\nнь ирлээ” гээд л гадагшилчих шиг санагддаг. \nӨдрийн тэмдэглэл хөтөлдөг байсан маань сүүлдээ шүлэг болж хувирсан л\nдаа. Дараа нь гитар тоглож сурахаар шийдсэн. Ингэж анхны дуугаа зохиож байсан.\nТэр үед зөвхөн өөрөө өөртөө л дуулдаг байсан юм.","alignment":""}},{"id":"IPlfKjaSui","type":"image","data":{"files":[{"url":"https://dash-api.yld.mn/api/image/237083c3-1e23-4297-b399-f21321a6b37e"},{"url":"https://dash-api.yld.mn/api/image/96ede941-f66c-44a7-b1c4-e14b47789628"}],"show_as":"IMAGE","show_as_options":{"columns":"2","gap":"small"},"stretched":"FULL"}},{"id":"zKowyA1SAY","type":"paragraph","data":{"text":"-Уран зохиолд\nдуртай юу. Шүлгийн чинь үгнээс багагүй уншдаг шинж харагддаг шүү? ","alignment":""}},{"id":"eFbV_WHsHh","type":"paragraph","data":{"text":"-Сонгодог уран зохиолд ч багаасаа\nдурласан даа. Гэхдээ уншдаг гэвэл нэг дутагдал бий, уран зохиол л уншиж чадна.\nӨөр төрлийн ном ёстой уншиж чаддаггүй. Дээр астрологийн нэг ном уншаад, бага\nфантазална шүү гэж өөртөө хэлсэн ч плуто гараг дагуултайгаа хэрхэн нэг тэнхлэгт\nэргэж буйг төсөөлсөн чинь надад хайрын түүх мэт санагдсан. Ингээд “Плуто\nгарагийн түүх” гэж дуу хийсэн. Өөрийгөө, уран сэтгэмжээ ер барьж чадахгүй л хүн\nюм байна гэж бодсон доо. ","alignment":""}},{"id":"nx9TNfUUZZ","type":"paragraph","data":{"text":"-Хэнийг унших\nдуртай вэ? ","alignment":""}},{"id":"-PRl-jmKuJ","type":"paragraph","data":{"text":"-Чарльз Дикенсон. Алигерьи Данте,\n“Тэнгэрлэг туульс”. Энэ миний хамгийн дуртай зохиол.","alignment":""}},{"id":"1xqHwhyinY","type":"paragraph","data":{"text":"-Том зохиол нэрлэв\nшүү, саяхан шинэ орчуулга нь гарсан. ","alignment":""}},{"id":"puODsqsAW0","type":"paragraph","data":{"text":"-Аанхан, би хуучин орчуулгаар нь уншсан.\n“Там” бүлгийг худалдаж авах гээд хэдэн жил хайгаад олоогүй ч саяхан шинэ орчуулгаар\nнь авсан байгаа. Дэлхийн утга зохиолын түүхэнд шад мөрийг анх Данте оруулж\nирсэн гэдэг. Шүлэглэх, мөр толгой холбох талдаа түүнээс том урам зориг авч\nбайсан. Харин утга санааны хувьд гүнзгий байх тусмаа таалагддаг. Сүүлд Силвиа\nПлатад гүнзгий орсон. “Гэм зэм”-ийг багадаа уншсан нь бурууджээ гэж бодсон.\n“Норвегийн ой”-г ч тэр, арай л багадаа уншчихсан юм шиг санагдсан. Тэр үед\nдүрүүдийн ганцаардал, гуниг гутралд гүнзгий цочирдон нэвтэрч байсан. Одоо\nхарьцангуй тэр дүрүүдийн асуудал надад их ойр санагдах болжээ. ","alignment":""}},{"id":"4fj4DCW7sg","type":"paragraph","data":{"text":"-Гитар авч, шүлгээ\nдуу болгож эхэлсэн нь яг хэзээ юм бэ? ","alignment":""}},{"id":"sVReA7b5IS","type":"paragraph","data":{"text":"-10, 11-р ангидаа байна уу, хүүхдийн\nмөнгөө цуглуулж гитар авч байсан юм. Тэгээд \n“Үүр цайхад” гэдэг хамгийн анхны дуугаа хийсэн. Утгыг нь бодсон ч, түүн\nшиг нэг өдрийн дотор зохиосон дуунууд маань одоо хэр гуниг дийлэнх. Би угаасаа\nл гунигт мэдрэмтгий хүн шиг. Сүүлд “Гунигт дурлагч” гэдэг эмгэгийн талаар ярьж\nбайхыг сонссон, тоглоом шоглоомоор шахуу хэлэхэд би өөрийгөө тийм гэж бодсон. Гэхдээ\nгунигтай байгаагаа би буруутгахыг хүсдэггүй, хүсэхгүй тийм цэгт хүрч ирсэн\nбололтой. ","alignment":""}},{"id":"IWw9y7EyMr","type":"paragraph","data":{"text":"-Хөгжмийн сонирхол\nмөн хүчтэй яригдана шүү дээ, хэнийг сонсдог байв даа? ","alignment":""}},{"id":"aB5hHw5XRA","type":"paragraph","data":{"text":"-Күрт Кобайнд их орсон. Сүүлд “Битлз”-д\nороод амьд хөгжмийн сонирхлоо ерөнхийд нь түгжчихсэн байгаа. Ажиглаад байхад, өөрөө\nдуугаа бичдэг уран бүтээлчдийг түлхүү сонссон юм билээ. Нора Жонс байна. Поп\nгэвэл Тэйлор Свифт мөн өөрийнхөө хайрын түүхийг бичиж гарч ирж байсан. Ер нь л өөрийгөө\nдуугаар илэрхийлбэл гоё юм гэж бодоод, хөгжим тоглонгоо дуулах сайхан санагдаад,\nтөгөлдөр хуур, гитар сурч эхэлсэн хэрэг. Ингээд нөгөө анхны дуугаа 11 жилийн\nөмнө, ариун цэврийн өрөөнд зохиож байсан юм аа, аав ээж сэрэх гээд. Зохиосон дуунуудаас\nмаань хамгийн дуртай, сэтгэлд ойр байдаг нь тэр. “Би чинь ямар нэг юм хийж чадах\nюм байна” гэж ойлгосон, ойлгуулсан мөч энэ байсан.","alignment":""}},{"id":"3EwW32ITpc","type":"paragraph","data":{"text":"-Мэргэжил сонгох\nгэдэг ажилд тулж ирээд яасан бэ? ","alignment":""}},{"id":"X9kC11vByw","type":"paragraph","data":{"text":"-Би их сонин, амьдралын утга учрыг\nтунгаадаг хүүхэд байж. “Би ер нь яах гэж амьдраад байна вэ?” гэдэг асуултад\nүргэлж ээрэгдээд. Тэр асуултад маань автобусны буудал дээр ч бил үү, нэг ахын\nхэлсэн үг хариулчих шиг болсон юм аа. “Хүн хүндээ туслах гэж л амьдардаг юм шүү\nдээ” гэсэн үг. Үүнийг би сүнсний зорилго гэх үү, амьдралын чиг шугамаа гэх үү\nболгох ёстой, мэргэжлээ ч энэ дагуу сонгох хэрэгтэй юм байна гэж шийдсэн. Харин\nхүнд тусалдаг мэргэжил гэхээр нэгт эмч, хоёрт хуульч байсан л даа. Би эмч болох\nхэмжээний зоригтой биш, тэгээд л МУИС-ийн Хууль зүйн сургуульд орж төгссөн.\nХуульчаараа бас нэг хэсэг ажилласан. ","alignment":""}},{"id":"eKgL6Cj5mr","type":"paragraph","data":{"text":"-Гүрийж төгссөн үү,\nдурлаж төгссөн үү? ","alignment":""}},{"id":"48CApm3tu8","type":"paragraph","data":{"text":"-Үнэнийг хэлэхэд гүрийж л төгссөн.\nГэхдээ хэзээ ч дуу бичихээ болиогүй. “Бидний хооронд”, “Амлалт” гээд тэр үед\nзохиосон дуунуудын маань зарим хоёр дахь цомогт орсон байгаа. ","alignment":""}},{"id":"SsAb8GWITL","type":"paragraph","data":{"text":"-Хууль төгсөөд\nурлагийн салбарт орсон олон хүн танина. Энэ бас уран бүтээлч хүнд хэрэгтэй олон\nталын төлөвшил, мэдлэг олгодог салбар шиг санагдсан шүү? ","alignment":""}},{"id":"EyS5UEN-rt","type":"paragraph","data":{"text":"-Үнэн, үнэн. Наад зах нь дэг журам,\nцаг барих мэтэд бол сайн суралцдаг юм билээ. Хуулийн сургуульд орсондоо гэхдээ\nхарамсдаггүй шүү. Гүрийсэн үү гэвэл гүрийсэн. Гэхдээ хүний хийх ёстой зүйл ямар\nнэг зовуурьгүй гардаг юм билээ л дээ. Яг одоо миний хийж байгаа ажил шиг.\nЭргээд харахад би тэндээс тэвчээрийг сурсан. Хийсэн л сонголт хойно эцсийг нь\nүзэх ёстой гэж бодсоор төгссөн. Миний буруу сонголт зөв зам руу хөтөлжээ гэж\nбодож явдаг. Үүний хэлбэл манай хуулийн багш нар гомдохгүй байгаа даа. ","alignment":""}},{"id":"U7OOZwfb7z","type":"paragraph","data":{"text":"-Урлаг хийхэд тэвчээр\nяриангүй чухал. ","alignment":""}},{"id":"RSqewZNzKi","type":"paragraph","data":{"text":"-Сэтгэл хөдлөл нь тэнцвэртэй бус над\nшиг хүмүүс тэвчээрийг л эртнээс сурах ёстой юм билээ. Төгсөөд Нийгмийн\nдаатгалын ерөнхий газарт, Соёлын яаманд ажилласан. Нийгмийн эмч л гэсэн хойно\nтэсээд байсан, тэсээд л байсан. Гэхдээ хүмүүст тусалж байж болох ч тэр хүмүүс\nдотор өөрөө багтдаг гэдгээ мартчихсан байсан. Ингээд больё доо, Монголоос ер нь\nявъя гэж бодсон. Тэр ажлыг өөрийгөө их хэмлэж хийдэг байсан гэх юм уу? ","alignment":""}},{"id":"JaFkzn-im4","type":"paragraph","data":{"text":"-Төрийн албан хаагч\nболоод, дараа нь Монголоос явах гэж байсан эгзэгтэй ийм нөхцөлд хамтлаг\nбайгуулах тохиол хэрхэн бий болов? ","alignment":""}},{"id":"5hNbulQqPi","type":"paragraph","data":{"text":"-Монголоос явахын өмнө манай сайн\nнайзын төрсөн өдөр болох гэж байлаа. Энэ найздаа зориулж хийсэн нэг дуу бий л\nдээ, үүнийгээ студид бичүүлж, төрсөн өдрөөр нь бэлэг барья гэж бодохгүй юү. “Бидний\nхооронд” гэдэг дуу. Гэтэл ертөнц үйлчилж байгаа юм шиг, “The Library Records”-оос шинэ\nартист хайж байна, дэмжихэд бэлэн гэж зар тавьсан байхыг үзлээ. Би юмыг яаж\nмэдэх вэ, шалгарчихвал нөгөө дуугаа бичүүлье гээд “Үүр цайхад”-ыг, үгтэй нь\nявуулчихсан юм. Гэтэл намайг сонгочихсон байсан. Манай продюсер яг энэ өрөөнд уулзаад,\n“Бидэнд хамтлаг бий. Харин яг чам шиг өөрөө үг, аяа зохиодог артист хэрэгтэй\nбайна, чамайг л авмаар байна” гэж санал тавьсан. Ингээд л би саналыг хүлээж\nавсан. Бид хоёр жил зөвхөн бэлдсэн. Хоёр жилийн дараагаас анхны бүтээлүүдээ\nолон нийтэд цацаж эхэлсэн.","alignment":""}},{"id":"Zk357DbAjp","type":"image","data":{"files":[{"url":"https://dash-api.yld.mn/api/image/f8206f1e-9faa-4765-b4ec-3dddd6d281fe"}],"show_as":"IMAGE","show_as_options":{"columns":"1","gap":"none"},"stretched":""}},{"id":"2pxwRJVGj9","type":"paragraph","data":{"text":"-Бэлдэж байгаад\nцацах бол зөв стратеги юм байна шүү. ","alignment":""}},{"id":"VgajcGCpVx","type":"paragraph","data":{"text":"-Харин тийм. Миний зохиосон, хамтлагийнхны\nурьд эхлүүлчихсэн байсан дуунууд нийлж хорших, нэгдэх, бие биенээ танихад\nтодорхой хугацаа хэрэгтэй байсан. Манай хамтлагийнхан бүгд мэргэжлийн\nхөгжимчид. Ерөөсөө тогло гэснийг тоглочих өндөр чадвартай тул залуу хамтлагт\nтулгардаг нэг нэгнээ бэлдэх, туршлагажуулах асуудал гараагүй. Хамгийн залуу,\nтуршлагагүй нь гэвэл би л орж ирсэн хэрэг. ","alignment":""}},{"id":"lc6MgAenfU","type":"paragraph","data":{"text":"-Юу гэж боддог вэ, энэ\nолдсон боломжийг? ","alignment":""}},{"id":"Lnw3O10pQh","type":"paragraph","data":{"text":"-Хувь тавилан. Би тэгэхэд Ирланд явах\nгэж байсан юм. Тэгсэн чинь хамтлагийнхны өмнө нь сонгочихсон байсан дуучин Ирланд\nяваад, би үлдсэн юм билээ. Солигдож байгаа юм шиг. Бэлдэж байх хоёр жилийн\nхугацаа бас их тэвчээр шаардсан. Хөгжмөөс өөр юу ч хийхгүй байгаа юм чинь,\nманай гэр бүл “Дуулдаг байсан юм уу, хуульчаар төгсчихөөд юу хийгээд байна?” л\nгэж бодсон байх даа.","alignment":""}},{"id":"sRL8LIcERk","type":"paragraph","data":{"text":"-“The Royal Heartaches” гэж энэ\nтансаг нэр хаанаас гарсан бэ? ","alignment":""}},{"id":"IBuUNsyRF7","type":"paragraph","data":{"text":"-Бид хамтлагтаа нэр өгч чадахгүй\nнэлээд хэсэг хугацааг өнгөрөөсөн юм. Гэтэл Magnolian ах ирж, нэрсийн хувилбар санал болгосон л доо. Тэдний\nдундаас шууд нүдэнд туссан нь энэ байлаа. Хамтлагийн ахлагч, продюсер хоёр маань\nч бас санал нэгдсэн. ","alignment":""}},{"id":"yfkjBcvuzL","type":"paragraph","data":{"text":"Би бүх зүйлийг өвдөлтөөр дуусдаг гэж\nбоддог. Үнэн зүйлс хамгийн их өвтгөдөг. Үнэн өөрөө хамгийн үнэ цэнтэй. Тийм ч\nучраас өөрийн гэсэн тансаг оршихуйтай байдаг... Ийм үүднээс тайлбарлах дуртай. Гэхдээ\nодоо бол би өөрөө өөрийгөө л өвтгөдөг юм болов уу гэж бодох болжээ. Хайр хүнийг\nөвтгөдөг л гэж боддог. Гэвч сүүлийн үед өвтгөдөггүй хайр гэж байдаг ч юм шиг\nсанагдаж байгаа.","alignment":""}},{"id":"s1o53b44D_","type":"paragraph","data":{"text":"-Боломжгүй байх л\nдаа.","alignment":""}},{"id":"_3mjU7bUMq","type":"paragraph","data":{"text":"-Харин, уг нь боломжгүй шүү дээ. Миний\nэргэн тойрны хүмүүс нөлөөлж байна уу? Миний л бодлоор хайр өвтгөдөг. Хамгийн\nих.","alignment":""}},{"id":"STa8gBL_7p","type":"paragraph","data":{"text":"-Хоёр жил бэлдэх\nамаргүй байсан гэдэг нь юуны тухай яриа вэ? ","alignment":""}},{"id":"JuZVKGe_B0","type":"paragraph","data":{"text":"-Би өөрөө өөртөө л хүндээр тусгаж авч\nбайсан юм билээ. Над шиг ийм хүн хамтлаг төлөөлж тайзан дээр гарч чадах уу,\nүгүй юу? Олон хүний өмнө гараад яг дуулж чадах уу? Ийм бодлууд байнга төрөөд,\nтүүнийгээ л даван туулах гэж хичээж байсан. ","alignment":""}},{"id":"zFxQBxIdph","type":"paragraph","data":{"text":"Манай бөмбөрчин л гэхэд “The Lemons” хамтлагийнх, 25\nжилийг тайзан дээр өнгөрүүлж байгаа. Би тэгтэл жаахан охин орж ирчихээд, энэ\nмундаг хүмүүсийг төлөөлнө гэхээр нэг л сонин, ачаа дарамт мэдэрч байсан. Гэхдээ\nхүмүүст дуу маань таалагдах болов уу, энэ дуу явах болов уу гэж хэзээ ч\nбодоогүй. Аажимдаа, “Миний дуу хоолой бусдад бага ч атугай нөлөөлж болох юм”\nгэж бодогдож эхэлсэн. Ингээд дуу маань бусдад ямар нэгэн байдлаар хүрч,\nсэтгэгдэл үлдээж, ерөнхийдөө тус л болж байвал гоё юм байна гэж бодоод хүлээн\nзөвшөөрсөн. ","alignment":""}},{"id":"T8vEOy2mGN","type":"paragraph","data":{"text":"-Хамтлагийнхнаасаа\nэнэ хугацаанд юу сурсан бэ? ","alignment":""}},{"id":"OXs-wUuSFN","type":"paragraph","data":{"text":" -Хамтлагийн маань ахлагч надтай төстэй\nмаягийн хүн. Гэхдээ эрэгтэй хүн болохоор тэр үү, шантрах, гуних эрхгүй юм шиг\nтэвчээр заан хөдөлмөрлөж чаддагаас нь их зүйл сурсан. Би шууд л уйлчихаж байхад\nтэр хэзээ ч тэгэхгүй. Нээрэн л эрэгтэй хүн уйлж болохгүй гэж үү гэмээр. Энэ\nтэвчээр үү, юу вэ, мэдэхгүй. Эрэгтэй хүн ер нь тоогоогүй, сонсоогүй мэт\nхарагдавч дотроо ихийг тээж, даван туулж байдаг шиг. Хэцүү байсан ч үүнийг\nхийдэг. Эмэгтэй хүнд байдаггүй чанар бол энэ шиг санагдсан. Бид маргаантай\nбайсан ч, амьдралд нь гунигтай зүйл тохиолдсон ч “Энэ мөчөөс нэг зүйл гарна”\nгэж хэлээд гитараа бариад суучихна. Гэтэл би бүгдийг “унтрааж”, гунигтайгаа ганцаар\nнүүр тулан үлддэг. ","alignment":""}},{"id":"LBVJCd26me","type":"paragraph","data":{"text":"Гэхдээ хүмүүс гунигтай байж болохгүй мэтээр\nхандаад байна. Сүүлдээ бодлыг маань ч хязгаарлах гээд байгаа юм шиг санагдах\nболсон. “Нулимснаасаа ичээд яах вэ, зарим талаар энэ хорвоогийн тоос буртгийг\nарилгах хүчтэй эд” гэдэг дээ. Би ийм хүн байна, үүнийгээ хүлээн зөвшөөрөх гээд\nявж байна. Гэтэл бусад хүн учиргүй гайхширч хандаад байгаа нь жаахан төвөгтэй.","alignment":""}},{"id":"kuAYqX9LP3","type":"image","data":{"files":[{"url":"https://dash-api.yld.mn/api/image/1b3caa01-3b85-4462-af14-4f101fabb37e"}],"show_as":"IMAGE","show_as_options":{"columns":"1","gap":"none"},"stretched":""}},{"id":"8S4PNbPqHA","type":"paragraph","data":{"text":"-Ийм хандлага олон\nхүнээс авсан уу? ","alignment":""}},{"id":"VGmuizc7V2","type":"paragraph","data":{"text":"-Тийм. “6х6” гарсны дараа бүр их.\nЭрэгтэй хүнтэй танилцах үед намайг нэг л тийм шархалчихсан эмэгтэйн дүрээр\nхараад байдаг болчихсон. Шархлах ч юм шиг. Гэтэл би гунигаа гаргаад л\nявуулчихсан байгаа шүү дээ. Тайзан дээрх нулимс бол сэтгэл хөдөлсний, баярын\nнулимс байсан. Хүмүүс сүүлдээ маркетинг гэж байх шиг, “Экс нь үргэлж урд нь\nгарч ирж уйлуулахаа болиосой” ч гэх хэлэх шиг. Нэг л ялгахгүй байгаад байна уу\nдаа гэж бодсон. Гэхдээ уран бүтээлийг тайлбарлах албагүй байдаг. ","alignment":""}},{"id":"MFl1NCkUn_","type":"paragraph","data":{"text":"“Дуулах яах вэ, уйлаач. Одоо уйлахыг\nнь харчихвал явлаа” гэдэг үг бол хүнд туссан.","alignment":""}},{"id":"gHcGLT7ZtI","type":"iframe","data":{"frame":"","alignment":"Centered"}},{"id":"lybxQNlK0S","type":"paragraph","data":{"text":"-Ямар бүдүүлэг юм\nбэ, шууд тэгж хэлж байгаа юм уу? ","alignment":""}},{"id":"5KUlIDh5pn","type":"paragraph","data":{"text":"-Тийм, үзэгчдийн эгнээнээс шууд надад хандаад.\n","alignment":""}},{"id":"6qUj4QRO4F","type":"paragraph","data":{"text":"-Уйлах тухай яриа\nер нь ноднингийн “Playtime”-аас хойш\nгарч ирсэн үү? ","alignment":""}},{"id":"0r9EAYOIjg","type":"paragraph","data":{"text":"-Харин тх. Би жүжигчин биш шүү дээ.\nЯаж уйлахыг маркетинг гэж харж чадаж байна аа. “Playtime” дээр бол үнэхээр\nсэтгэл хөдөлсөн. Хүмүүс төв тайз руу биш биднийг үзэх гэж тэр холоос шороо татуулан\nгүйж байсан. Нэг хүн бүр уначихаад, босож ирээд гүйсэн. Надад тайзан дээрээс\nхарагдаад байгаа юм. Тэгээд л өөрийн маань хоолой сонсогдохгүй хэмжээнд дагаж\nдуулаад л... Эцсийн эцэст би хүнд хэрэгцээтэй \nч байгаа юм шиг... ","alignment":""}},{"id":"BYAlTqI4Iu","type":"paragraph","data":{"text":"-Нөгөө зүйлдээ хүрсэн\nюм шиг?","alignment":""}},{"id":"EGWmtGf0e-","type":"paragraph","data":{"text":"-Тийм. Би яах вэ, шархалсан байж\nболно. Гэхдээ би том мөрөөдөлтэй эмэгтэй хүн. Энэ маань намайг догдлуулдаг. Би\nбас нулимсаа захирч чаддаггүй. Гэхдээ оршиж, уран бүтээл хийж байгаа маань\nхүмүүст ханьтай мэдрэмж төрүүлэх л юм бол сайхан. ","alignment":""}},{"id":"UKm4Imd69c","type":"paragraph","data":{"text":"-Урлаг, тэр дундаа\nдуу хөгжмийн мөн чанар нь бусдад хань болох. Би ганцаараа биш юм байна гэсэн\nмэдрэмжийг өгч чаддаг. Харин хүмүүсийн шархалсан дүрээр хардгийн шалтгаан\nхуучин найз залуу нь уу. Тоглолтын үеэр түүнд зориулсан дуугаа анхлан дуулахад\nөөрөө ирчихсэн үзэж байсан гэж үнэн үү? ","alignment":""}},{"id":"RV78hc5Yl-","type":"paragraph","data":{"text":"-Ирэхийг нь би мэдэж байсан юм аа. Юу\nгэх юм дээ, миний хувьд анхны гэсэн зүйл бүр үнэ цэнтэй санагддаг юм. Анх удаа,\nамьдаар дуулъя гэж тэр дуугаа дуулсан. Тэгээд л ваннтай уснаас бөглөөг нь авчих\nмэт болсон. Онгойгоод л явчихсан. Түрүү жилийн зургадугаар сарын 6-нд болсон\nанхны тоглолтын үеэр юм. Тэр хүнд ямар санагдсаныг мэдэхгүй л дээ. Хожим нь хэн\nгэдгийг нь мэдье гээд хүмүүс их эрж сурсан, өөрт нь төвөгтэй байсан юм шиг\nбайна лээ. Би уучлал бол гуйхгүй, энэ бол миний л мэдрэмж байсан. Өвдөлт нь\nүнэн л байсан юм чинь.","alignment":""}},{"id":"wCfGI271ZF","type":"image","data":{"files":[{"url":"https://dash-api.yld.mn/api/image/7e5184bd-968b-4306-8ead-e860ab6e97bb"},{"url":"https://dash-api.yld.mn/api/image/5d74ad00-1099-4dd7-96a9-01fd75423003"},{"url":"https://dash-api.yld.mn/api/image/e52ce3d8-0a70-48a1-92ca-4116fd5046d3"}],"show_as":"IMAGE","show_as_options":{"columns":"3","gap":"small"},"stretched":"FULL"}},{"id":"pAUEK2zu0v","type":"paragraph","data":{"text":"-Үүнээс хойш гуниг,\nшарх гайгүй болчихсон уу? ","alignment":""}},{"id":"3t8Btx6abc","type":"paragraph","data":{"text":"-Тэр хүний тухайд бол тийм. Дуугаараа\nтавьж явуулж чадсан. Харин одоо надаас хайраас болж шархалсан биш, “Гунигаа л\nер даахгүй байна даа” гэсэн шүлгүүд гарч байна. Үүнийгээ ч бас үгүйсгэхийг\nхүсэхгүй байгаа. Шинэ цомогт орсон “УргахУй” гэж дуу бий. Энэ бол одоогоор\nминий бичсэн хамгийн сэтгэл ханамжтай үг. Одоогийн өөрийгөө төгс илэрхийлж\nчадсан гэмээр. ","alignment":""}},{"id":"sSpiqHhYJc","type":"paragraph","data":{"text":"-Хайр өвтгөдөг\nгэдгийг хүн дотно харилцаанаас мэдэрдэг гэвэл эхлэл нь тэр хүнээс үү? ","alignment":""}},{"id":"wI656Hmnt4","type":"paragraph","data":{"text":"-Анхны хайр гэдэг үүднээс харвал тийм\nбайх. Гэхдээ миний хайр өвтгөдөг гэсэн санаа түүнээс өмнө, бүр багад суусан шиг\nбайна. Тав, зургаан настайдаа л аав ээж мөнх бус юм байна, хэн ч надтай хамт\nүргэлж байхгүй юм байна гэдгийг хүчтэй бодож байснаа санадаг. Яагаад намайг\nбүгд орхиж явах юм бол оо гээд л ганцаар уйлж суудаг байсан. Ганцаараа үлдэнэ гэдэгтээ\nурьдаас бэлтгэх ёстой юм шиг... Тэгэхээр тэр санаа бол миний хайртай хүмүүс\nхэзээ нэгэн цагт явна гэдгээс, эртнээс үүдэлтэй. Би хэр чинээнд өвдөнө, төдий хэрээр\nл хайртай байж таарна. Намайг орхиод явна даа гэсэн айдас, нөгөө нэг\nганцаардлууд бодогдсоор бодогдсоор шүлэг болоод гараад байгаа юм шиг санагдсан.\n","alignment":""}},{"id":"55T61MuBFw","type":"paragraph","data":{"text":"-Салалтын дараах\nшаналал хүнийг орхих гэж багадаа 2-3 жил лав болдог шүү дээ. Харин хүн бүр\nүүнийг өөрийнхөөрөө даван туулдаг. ","alignment":""}},{"id":"Em4AUlNoLr","type":"paragraph","data":{"text":"-Би бол тэр шарх орхидоггүй гэж\nбоддог. Аньдаг байж болно, гэхдээ шарх хойно сорви үлдээдэг. Тэгээд, түүнтэйгээ\nл цааш амьдардаг. Үлдээсэн дурсамж нь хааяа сөхөж харахад дулаан, дулаацуулдаг.\n","alignment":""}},{"id":"QMf2fRA4Kx","type":"paragraph","data":{"text":"-Зарим хүн үзэн\nядалт болгож хувиргаад даван туулдаг. Ер нь уучлах ёстой гэдэг. Яаж тавьж\nявуулдаг эд шиг санагдсан бэ? ","alignment":""}},{"id":"WOfy3WqInT","type":"paragraph","data":{"text":"-Нүүр тулах, хүлээн зөвшөөрөх. “Энэ\nхүний сонголт ийм байжээ, би өөрөө бас ийм хүн байжээ” гээд хүлээн зөвшөөрөх.\nҮнэхээр хайрласан хүндээ муу зүйлийг хүсэж чадахгүй. Надад өгсөн гунигт нь\nхүртэл заримдаа баярламаар санагдуулна. Учир нь тэр гуниг маш олон зүйлийг\nойлгуулж үлдээсэн байдаг. Үнэхээр чин сэтгэлээсээ хайрласан бол үзэн ядаж\nчадахгүй, харин ч надаас аваагүй зүйлээ өөр хүнээс авч, илүү аз жаргалтай\nамьдраасай гэж хүсдэг юм билээ. ","alignment":""}},{"id":"rNjqGlb1wR","type":"paragraph","data":{"text":"-Эргэн дурсахад\nхүүхэд насандаа нэг л ганцаардангуй, гуниглуу байсанд нь юу нөлөөлсөн юм шиг\nсанагддаг вэ? ","alignment":""}},{"id":"pEot5KlExN","type":"paragraph","data":{"text":"-Одоо ч орчин үеийн хүүхдүүд бусдаас\nөөр байдлыг хүлээн зөвшөөрдөггүй юм билээ. Бусдаас өөр байх нь буруу зүйл биш\nээ гэдгийг багаас нь л ойлгуулмаар шиг. Би ичимхий, дуу цөөтэй, дээр нь өндөр\nтом биетэй учраас өөр гэсэн ялгамжийг хүчтэй мэдэрч байсан. Одоо бол ялгаварлан\nгадуурхалт бүр өмссөн хувцас дээр ч яригддаг болсон юм билээ. Хүүхэд мөртлөө\nбусдыг материаллаг байдлаар дүгнэж, ялгаж байвал ирээдүйд ямар аймшигтай зүйл\nболох вэ? Хүн бүр өөрийнхөөрөө үзэсгэлэнтэй, сайн сайхан зан чанартай гэдгийг\nойлгуулбал хүүхэд насны тэр эдгэшгүй шархууд арай багасна шүү дээ. ","alignment":""}},{"id":"YkIj4wzh-T","type":"paragraph","data":{"text":"Би чинь айлын дунд, юм ярья гэсэн ч\nсонсоод ойлгохгүй байх даа л гэж боддог байсан. “Бүгд хэзээ нэгэн цагт үхэх юм\nбайна” гэж яривал тэнэг ш дээ. Гэхдээ манай гэр бүлийнхэн бол маш сайхан\nхүмүүс, сонсохгүй биш сонсож чадна. Гэхдээ ойлгохгүй байх аа, хүнд ачаа үүрүүлж\nбайснаас өөртөө л хүлээж авъя гэж бодож байсан. Одоо ч тэр ижил. ","alignment":""}},{"id":"ffytMrHanG","type":"paragraph","data":{"text":"-Харин одоо уран\nбүтээлээр дамжуулж өөрийгөө илэрхийлэхээс гадна бусдад өгөх том боломжийг\nатгалаа шүү дээ. Энэ мэдрэмж ямар вэ? ","alignment":""}},{"id":"48WdxJ0nvR","type":"paragraph","data":{"text":"-Хүнд хэрэгцээтэй хүн байх гоё. Туслах\nгоё, ялангуяа дуугаараа дамжуулж туслах бүр гоё. Харин амьдарч байх хугацаандаа\nүүнийг хангалттай хийх нь үү, артист мөн юм байна гэдгээ хүлээн зөвшөөрөхгүйц\nдуу хийж чадах нь уу, тийм үг надаас гарах нь уу... Хэр удаан амьдрахаа хэлж мэддэггүйн\nхувьд, тэврэлт шиг дуунууд хийхийг л хүсдэг. Хэрэгтэй үед нь “Би ч гэсэн үүнийг\nмэдэрч үзсэн, чи ганцаараа биш шүү. Чи ерөөсөө хангалтгүй биш шүү. Иймд\nтэсээрэй” гэсэн үгсийг дуугаараа дамжуулж хэлэх. Нөгөө талаар дуулж байхдаа\nдавхар өөртөө хэлж байгаатай адил тусдаг. ","alignment":""}},{"id":"2UIQ116s8W","type":"paragraph","data":{"text":"-“УргахУй” гэсэн\nшинэ цомог бүхэлдээ ямар онцлогтой юм бэ. Хувирал, өөрчлөлтийн тухайд? ","alignment":""}},{"id":"Cm-O4hTJbT","type":"paragraph","data":{"text":"-Эхний цомогтой харьцуулахад хөгжмийн\nнайруулга их минималист. 3-4 нь нэлээд гуниглангуй үгтэй дуу бий. “Алдсан ч\nзүгээр ээ, хүн бүр алддаг” гэсэн дуу ч байгаа. Амьдралдаа анх удаа гэгээлэг\nхайрын дуу бичиж чадсан маань бас бий. Эхний цомог бол нэлээд холимог шинжтэй.\nХоёр дахь цомогт маань нэг англи дуунаас бусад нь миний шүлэг. Хараад байхад өөрийгөө\nилүү насанд хүрч байна уу даа гэж бодсон. Мэдэрдэг гуниг ч арай өөр түвшний\nболж ирсэн мэт. “УргахУй” дээр үүнийгээ илэрхийлж чадсан. Хүн бүр намайг\nшархалсан, хаягдсан дүрээр төсөөлж байсан бол, “Хүн ганцаараа байсан ч\nхангалттай, заавал бүхэллэг байдлыг мэдрэх гэж хичээх хэрэггүй. Үнэн хэрэгтээ\nхэн ч ганцаараа байдаггүй шүү” гэдгийг ойлгуулахын тулд “Биш байж” дуугаа\nбичсэн. Бас хууралт бол үнэхээр байж болшгүй зүйл. Манай үеийнхэн хууралт\nхэрээс хэтэрсэн, хүн бүр л хуурна, үүнийг бараг хүлээн зөвшөөрөөд амьдар гээд\nбайна. Би үүний эсрэг баймаар санагдаад “Биш байж”-ийг зохиож байсан. Би\nхувьдаа үүнтэй хэзээ ч эвлэрч болохгүй гэж боддог. Хэн нэгний ганц болж чадахгүй\nбол эхлээд өөрийнхөө ганц нь байх хэрэгтэй шүү дээ. Сэтгэл нь бүхэл байгаа хоёр\nхүн нэгнээ эрүүлээр хайрлах юм байна гэж үүнийг бичсэн.","alignment":""}},{"id":"PRw1D5oIcD","type":"iframe","data":{"frame":"","alignment":false}},{"id":"XhOfD0u0Co","type":"paragraph","data":{"text":"-Өнөөгийн залуусын\nхооронд үерхэл гэдэг сэдэв төвөгтэй болсон шиг ээ. Үнэхээр чин сэтгэлийн\nдурлал, хайр цөөн ажиглагдах, ерөнхийдөө л гүнзгий харилцаа эхлүүлэхээс\nболгоомжилж дөлсөн маягтай? ","alignment":""}},{"id":"L7r4bkXWut","type":"paragraph","data":{"text":"-Харин тийм. Энэ сэдэвт аягүй хөнгөн\nханддаг болжээ. Үерхэж байгаа эсэх нь үл мэдэгдэх, үүнийгээ situationship гэж нэрлээд. Би\nүүний аягүй эсрэг байдаг аа. Үргэлж жинхэнэ хайранд итгэдэг. Хайр гэдэгт заавал\nэрэгтэй, эмэгтэй хүнийг хамруулж ярихгүй шүү дээ. Хаа нэгтээ хайр бий. Тийм\nгүнзгий дурлал байгаа байх аа. Олоход л хэцүү байгаа болов уу гэж бодохыг хүсэж\nбайна. ","alignment":""}},{"id":"GuCASKCd2T","type":"paragraph","data":{"text":"-Тодорхой хэмжээд\nолны танил байхын сөрөг талууд хэр байна вэ. Нэг удаа тайзан дээр уйлсан тэр\nтөрхөөр, эсвэл нэг дууны агуулгаар бүгдийг дүгнэж, имиж үүсгэж хараад байхаар\nөөрийгөө үнэнээр нь илэрхийлмээр санагддаг уу? ","alignment":""}},{"id":"Hxl4g4_fiP","type":"paragraph","data":{"text":"-Олны танил болохоор хүн бусдад\nнөлөөлөх чадвартай болдог. Гэхдээ би нөлөөлөгч байж чадахааргүй зан чанартай\nхүн байхгүй юү. Харин уран бүтээлээрээ л нөлөөлж чадна, үнэхээр нөлөөлөх ёстой\nбол. Би зүгээр л хөгжим хийх ёстой. Гадуур явахдаа хүн амьтанд танигдмааргүй\nбайна энэ тэр гэсэн мэдрэмж бол байдаггүй. Угаас ичимхий учир бүрэг ааш араншин\nл юуны өмнө илэрч гардаг болохоос, “Та тэр дуучин мөн үү?” гээд танивал үнэхээр\nдуртай хүлээж авдаг. Энэ бол амьдрах хүч өгсөн, амьдрах урам зориг бэлэглэсэн\nмөч байдаг. Гоё мессеж хүлээн аваад, хүмүүс өөрийнхөө хайрын түүхийг хуваалцаад\nирэхээр би буцаад тэдэнд юу өгч болох вэ гэж боддог. Үүн дээрээ бас нэлээд\nшаналдаг. Нөгөөтээгүүр, би тэр их хайрыг зүгээр л хүртэх эрхгүй гэж бодоод\nбайгаа юм байна. Сүүлд манай нэг найз, “Битгий тэгж шанал аа. Хөгжмөө хийгээд\nбайвал л тэр чиний өгч чадах хариу” гэж хэлсэн. Зогсолтгүй хийгээд л байх нь\nминий “Баярлалаа” гэдэг тус, хариу юм байна гэж бодсон. Заримдаа “Дааж чадахгүй\nнь ээ” гэмээр гоё зүйлсийг сонсогчдоосоо авдаг. Гэхдээ үүнийг хүртэх эрхтэй\nэсэхээ сайн мэддэггүй. ","alignment":""}},{"id":"bK6XO6e6Ue","type":"paragraph","data":{"text":"-Яагаад тэгж\nэргэлзээд байдаг юм бол?","alignment":""}},{"id":"zRCKCHQb9G","type":"paragraph","data":{"text":"-Өөртөө л эргэлздэгээс тэр юм болов\nуу. Уг нь “Баярлалаа” гээд л хүлээгээд авчихвал болно. Гэтэл би заавал яаж\nхариуг нь барих вэ?... гээд л.","alignment":""}},{"id":"pWI2Uy4jC2","type":"paragraph","data":{"text":"-Уран бүтээлч хүн\nмөн чанартаа өөртөө бат итгэсэн байдаг. Итгэсэн байж гэмээнэ бүтээл гардаг. Тэгэхээр\nийм талын эргэлзээ бол биш байна?","alignment":""}},{"id":"nJp9yvgJ2I","type":"paragraph","data":{"text":"-Тийм, уран бүтээлтэй холбоотой\nэргэлзээ биш. Харин миний хувийн өөртөө эргэлздэг зан чанарынх юм болов уу.\nХамтлаг байхын сайхан тал энэ л дээ. Намайг хүнд үед тэвэрч аваад л цааш явдаг.\nБи биш бид гэдэг өөрөө хүчтэй нөлөөлдөг.","alignment":""}},{"id":"5gDGHRZbMG","type":"paragraph","data":{"text":"-Том мөрөөдөлтэй\nгэж сая хэлсэн. Энэ ямар мөрөөдөл вэ? ","alignment":""}},{"id":"2XjeW6uViX","type":"paragraph","data":{"text":"-Миний хамгийн том мөрөөдөл бол ээж\nболж үзэх... Багадаа бол дуучин болохыг мөрөөддөг байсан. Одоо мөрөөдлөөрөө\nамьдарч, гайхалтай хүмүүстэй учирсан. Одоо харин ээж л болоод үзчихвэл... Миний\nхамгийн нандин мөрөөдөл энэ гэх үү дээ. Яг ээж шигээ сайн ээж болохыг хүсдэг. ","alignment":""}},{"id":"EGGcC6FjWr","type":"paragraph","data":{"text":"-Ярилцлагын эхэнд\nчи багадаа дуучин болохыг мөрөөддөггүй байсан гэсэн санагдана. Харин сая өөрийг\nхэллээ, аль нь үнэн бэ? ","alignment":""}},{"id":"qcodaqREEv","type":"paragraph","data":{"text":"-Мөрөөддөг ч биелэхгүй гэж боддог\nбайсан учраас тэгж хэлсэн хэрэг. “Би чадахгүй ээ” л гэж боддог байсан. Одоо бас\nтайзан дээр гарахын өмнө дандаа зүүд шиг санагдана аа. Эргээд харахад 100-150\nудаа бол тайзан дээр гарсан байх аа. Түгшүүр ч бий, тухайн үед мэдэрч байгаа\nмэдрэмж ч бий, үүнээс шалтгаалж нүдээ аньж дуулдаг. Хүмүүсийг хармааргүй\nбайгаадаа биш, нүдээ анивал илүү сайн мэдэрдэг гэх үү дээ.","alignment":""}},{"id":"toYNO_LR17","type":"paragraph","data":{"text":"-Зургадугаар сарын\n6-нд болох хамтлагийн хоёр дахь бие даасан тоглолтын талаар яриач, энэ бусад\nтайзнуудаас юугаараа өөр вэ? ","alignment":""}},{"id":"eCzh079Elb","type":"paragraph","data":{"text":"-Энэ бол бидний бие даасан хоёр дахь\nудаагийн тоглолт. Урьдын адил голдоо тайзаа засна. Тийм учир би болон хөгжимчид\nмаань үргэлж явж, хөдөлж тоглох болдог. Мөн зочин артистаар бидэнд маш чухал,\nнандин хүн ирж байгаа. Энэ бол Magnolian.\nХоёр цомгийн 20 гаруй дуу дуулна. Би ер нь тоглолт дээрээ л цомгийнхоо\nдуунуудын зохиогдсон утга санаа, түүхийг ярьдаг. Бусад тайзан дээр ер юм ярих\nдургүй. Харин яг хамтлагийн ийм тоглолт дээрээ илүү их ярих, өөрийгөө\nхуваалцахыг хүсдэг. Энэ л бие даасан тоглолот гэдэг үүднээс онцлог, амин сүнс\nнь гэж бодож байна.","alignment":""}},{"id":"9FLpDTeg6Y","type":"image","data":{"files":[{"url":"https://dash-api.yld.mn/api/image/15e7ad46-99ba-453f-97c4-a2982b68971e"}],"show_as":"IMAGE","show_as_options":{"columns":"1","gap":"none"},"stretched":""}},{"id":"hgg45Y1Bv1","type":"paragraph","data":{"text":"-Бид\nих олон сэдвээр ярилцлаа. Гунигийн талаар ч ярилаа. Гэхдээ л хүн амьдраад\nбайдаг. Чиний хувьд хөдөлгөгч хүч нь юу вэ? ","alignment":""}},{"id":"HcTxap0kxR","type":"paragraph","data":{"text":"-Одоогоор\nнамайг хөдөлгөгч хүч бол… дуу хөгжим маань л юм даа. Дуу хөгжмөөрөө л амьдарч\nбайгаа хүн юм байна. Дээр нь биелэхгүй нэг мөрөөдөлтэй, ийм хүн байна (Инээв).","alignment":""}},{"id":"VKWvL8zhoe","type":"paragraph","data":{"text":"-Тийм\nээ, бусдад ч бас итгэл найдвар хайрлах нь гэгээлэг зүйл. Б.Батрэгзэдмаа агсан\nөөрөө хүнд гунигтай ч үргэлж бусдад итгэл найдвар хайрлан шүлэглэж байсан шүү\nдээ. “Хэн нэгэн байгаа гэдэгт итгээрэй” гэдэг. ","alignment":""}},{"id":"sr-T6-QblW","type":"paragraph","data":{"text":"-“Нулимсыг\nчинь хүртэл хайрлах хүн бий гэдэгт итгээрэй” гэдэг. Би энэ шүлгийг нь уншаад их\nсонин болж байсан юм аа. Цөхрөлд очиж үзсэн хүмүүс бусдад итгэл найдвар\nхайрлаж, түүгээрээ дамжуулан давхар өөртөө ч бас “Итгээрэй” гэж хэлдэг юм болов\nуу. Би өөртөө зориулж дуу зохиодог шиг. Харахад миний дууны үгс ч бас тийм\nболсон байна лээ. “Энэ бүхэн ард хоцорсон”, “Ирэх өдрүүдийг олно оо” ч гэдэг юм\nуу. Итгэл найдвар бол бүх зүйл гэдэгт итгэхийг хүсэж байгаа. ","alignment":""}},{"id":"7H7sz53-Pq","type":"paragraph","data":{"text":"Ярилцсан: М.Тэнгис","alignment":"right"}}],"version":"2.26.5"}